Maine kaha ke sheher ke haq mai dua karo

میں نے کہا کہ شہر کے حق میں دعا کرو

اس نے کہا کہ بات غلط مت کہا کرو

 میں نے کہا کہ رات سے بجلی بھی بند ہے

اس نے کہا کہ ہاتھ سے پنکھا جھلا کرو

میں نے کہا کہ شہر میں پانی کا قحط ہے

اس نے کہا کہ پیپسی کولا پیا کرو

میں نے کہا کہ کار ڈکیتوں نے چھین لی

اس نے کہا کہ اچھا ہے پیدل چلا کرو

میں نے کہا کام ہے نہ کوئی کاروبار

اس نے کہا کہ شاعری پر اکتفا کرو

میں نے کہا کہ سو کی بھی گنتی نہیں یاد

اس نے کہا کہ رات کو تارے گنا کرو

میں نے کہا کہ ہے مجھے کرسی کی آرزو
اس نے کہا کہ آیتہ الکرسی پڑھا کرو

میں نے کہا غزل پڑھی جاتی نہیں سہی

اس نے کہا کہ پہلے ریہرسل کیا کرو

میں نے کہا کہ کیسے کہی جاتی ہے غزل

اس نے کہا کہ میری غزل گا دیا کرو

ہر بات پر جو میں کہتا رہا بجا بجا

اس نے کہا کہ یونہی مسلسل بجا کرو

Maine kaha ke sheher ke haq mai dua karo
Us ne kaha ke baat ghalat mat kahaa karo

Maine kaha ke raat se bijli bhi band hai
Us ne kaha ke haath se pankha jhala karo

Maine kaha ke sheher mai paani ka qahat hai
Us ne kaha ke Pepsi Cola piya karo

Maine kaha ke car daketon ne cheen lee
Us ne kaha ke achha hai paidal chala karo

Maine kaha ke kaam hai na koi kaarobaar
Us ne kaha ke shayeri per iktifa karo

Maine kaha ke sau ki bhi ginti nahee hai yaad
Us ne kaha ke raat ko tare gina karo

Maine kaha ke hai mujhe kursi ki aarzoo
Us ne kaha ke Aayetul Kursi padha karo

Maine kaha ghazal padhi jati nahee sahi
Us ne kaha ke pehle rehearsal kiya karo

Maine kaha ke kaise kahi jaati hai ghazal
Us ne kaha ke meri ghazal gaa diya karo

Har baat per jo kehta raha mai "baja" "baja"
Us ne kaha ke yun hi musalsal baja karo