The Holy Prophet Muhammad's Peace Be Upon Him uncle Hazrat Abbas (RA)

 حضور صلی اللہ علیہ وسلم کے چچا حضرت عباس رضی اللہ عنہ

نبی کریم صلی اللہ علیہ وسلم کے صحابہ حضرت عباس رضی اللہ عنہ کے مرتبے اور فضیلت کو جانتے تھے اسی لئے وہ ہر معاملہ میں ان کو آ گےرکھتے تھے ، ان سے مشورہ لیتے اور ان کی رائے پر عمل کرتے تھے ۔ حضرت عمر رضی اللہ عنہ اور حضرت عثمان رضی اللہ عنہ اپنی پنی خلافت کے زمانے میں گھوڑے وغیرہ پر سوار کہیں سے گزرتے اور راستے میں انہیں حضرت عباس رضی اللہ عنہ نظر آجاتے تو وہ فورا اپنی سواری سے اتر کر ان کے احترام میں پیدل چلتے یہاں تک کہ حضرت عباس رضی اللہ عنہ وہاں سے گزر جاتے ، اکثر ایسا ہوتا کہ خلیفہ ان کے اعزازو احترام کی وجہ سے راستے میں اپنی سواری سے اتر کر ان کے گھر تک ان کے ساتھ ساتھ جاتے ۔ اس احترام کی وجہ نبی کریم صلی اللہ علیہ وسلم کا یہ ارشاد تھا کہ عباس کو دیکھ کر میری یاد تازہ کیا کرو کیونکہ وہ میرے چچا اور میرے والد کے ماں جائے ہیں ۔ ایک روایت میں نبی کریم صلی اللہ علیہ وسلم کا یہ ارشاد ہے کہ عباس میرے آباء و اجداد کی نشانی ہیں ۔
{سیرۃ حلبیہ ج2}