انگلش پریمیر لیگ میں مانچسٹر سٹی نے مانچسٹریونائیٹڈ کو ہرادیا

اولڈ ٹریفورڈ… انگلش پریمیر لیگ میں مانچسٹر ڈاربی مانچسٹر سٹی کے نام رہی۔ سٹی نے یونائیٹڈکو دو ایک سے شکست دے دی۔اولڈ ٹریفورڈ میں ہونے والے میچ کا پہلا ہاف بغیر کسی گول کے برابر رہا، میچ کا پہلا گول سٹی کی جانب سے جیمز ملنر نے 51ویں منٹ میں اسکور کیا۔ 57 ویں منٹ میں سٹی کے کپتان Vincent Company کے اون گول کی بدولت مانچسٹر یونائیٹڈ میچ میں واپس آئے، لیکن 78ویں منٹ میں سرجیو اگیویرو کے شاندار گول کی بدولت مانچسٹر سٹی نے برتری دو ایک کردی جو آخر تک برقرار رہی۔ یونائیٹڈ کی لیگ میں اب بھی پہلی پوزیشن ہے ،دونوں ٹیموں کے درمیان اب 12 پوانٹس کا فرق ہے اور ابھی سات میچز باقی ہیں۔