”چنبیلی“کی نمائش ملک بھر میں جاری، باکس آفس پردھوم

کراچی…”چنبیلی“کی نمائش ملک بھر میں جاری، باکس آفس پردھوم، نوجوانوں کو تبدیلی کی راہ پر لانے اورمعاشرے میں امید کی شمع روشن کرنے کے غرض سے تیار کی گئی جیو فلمز کی پیشکش ”چنبیلی“ کی نمائش ملک بھر میں جاری ہے۔ باکس آفس پردھوم مچا دینے والی اس فلم کا تصورحب الوطنی کا جذبہ اجاگر کرنے اورسوچ سمجھ کر آنے والی حکومت منتخب کرنے کے مقصد پر مبنی ہے۔اور فلم پر سنیما گھروں کی انتظامیہ کی رائے سے یہ اندازہ لگایا جا سکتا ہے کہ یہ مقصد پورا ہو رہا ہے۔ امید کی شمع روشن کرنے والی جیو فلمز کی پیش کش ”چنبیلی“کونہ صرف ایک اچھی پاکستانی پروڈکشن سنیما گھروں میں جا کر دیکھنا پسند کر رہے ہیں اور اسے معیشت کی بحالی کے لیے مثبت اقدام قرار دے رہے ہیں، بلکہ چنبیلی کا پیغام بھی دیکھنے والوں کے دلوں کو چھو کر انہیں سوچنے پر مجبور کر رہا ہے۔