تناؤ سے مثانے کے کینسر کا خطرہ

امریکا میں ہونے والی ایک نئی طبی تحقیق میں دعویٰ کیا گیا ہے کہ ذہنی تناؤ کے باعث مثانے کے کینسر کا خطرہ بڑھ جاتا ہے۔

نیویارک کے البرٹ آئن اسٹائن کالج آف میڈیسین کی تحقیق کے مطابق اعصابی نظام کی شاخوں میں تناؤ سے پڑنے والا رخنہ اس بیماری کا سبب بنتا ہے۔

تحقیق میں مزید کہا گیا ہے کہ خودکار عصبی نظام کی شاخیں مثانے کے کینسر بڑھانے کا سبب بنتی ہیں۔

تحقیق کاروں کا کہنا ہے  کہ اس نظام کی شاخ ایس این ایس جسم میں تناؤ کے خلاف ردعمل اور دل کی دھڑکن و خون کی رگوں کو لاحق خطرہ کو روکنے کا کام کرتی ہے جب کہ دوسری شاخ جسم کو پرسکون رکھنے کا کام کرتی ہے۔

تحقیق میں بتایا گیا ہے کہ تناؤ کے باعث ایس این ایس کے اضافی ردعمل کی وجہ سے کینسر کا خطرہ بڑھ جاتا ہے جب کہ دوسری شاخ سے یہ مرض پھیل جاتا ہے۔