History Of Coffee

 کافی کی تاریخ

کافی کی دریافت کے بارے میں کہا جاتا ہے کہ خالد نام کا ایک عرب ایتھوپیا کے علاقہ کافہ میں ایک روز بکریاں چرا رہا تھا۔اس نے محسوس کیا کہ اس کے جانور ایک خاص قسم کی بوٹی کھانے کے بعد چاق و چوبند ہوگئے ہیں۔چنانچہ اس نے اس درخت کی بیریوں کو پانی میں ابال کر دنیا کی پہلی کافی تیار کی۔ ایتھوپیا سے یہ کافی کی بیریاں یمن پہنچیں، صوفی ازم سے وابستہ لوگ اس کو بہت پینے لگے ۔ یمن سے کافی مکہ معظمہ پہنچی،وہاں سے ترکی اور ترکی سے یہ سلطنت عثمانیہ کے دور میں 1645ء میں وینس(اٹلی) پہنچی۔1650ء میں کافی انگلینڈ لائی گئ۔
کافی لفظ عربی لفظ قہوہ سے نکلا ہے۔ عربی کا لفظ قہوہ ترکی میں قہوے بن گیا جو اطالین میں کافے اور انگلش میں کافی بن گیا۔۔