Mere Nabi Meri Zindagi Hain...

میرے نبیؐ میری زندگی ہیں

میرے نبیؐ میری زندگی ہیں
میرے نبیؐ ہی میرے ولی ہیں

میرے نگہباں بھی وہی ہیں
میرے تو سب کُچھ میرے نبیؐ ہیں

میری ریاضت میری عبادت
میرا توکل میری قناعت

میری عقیدت میری شریعت
میرے نبیؐ میری بندگی ہیں

میرا تو عرفان بھی وہی ہیں
میرا تو ایمان بھی وہی ہیں

میری تو پہچان بھی وہی ہیں
میرے نبیؐ میری آگہی ہیں

انہی سے گھر ہے میرا چراغاں
انہی سے دُنیا میری فروزاں

انہی سے قسمت میری درخشاں
میرے نبیؐ میری روشنی ہیں

وہ میرے آقا وہ میرے مولا
وہ میری دُنیا وہ میری عقبیٰ

وہ میرے ملجیٰ وہ میرے ماویٰ
میرا تو ایمان بھی وہی ہیں