Paish Nigah-e-Khas-o-Aam,Sham Bhi Tu Seher Bhi Tu

حمدِ باری تعالیٰ

پیش نگاہِ خاص و عام ، شام بھی تو سحر بھی تو

جلوہ طراز ادھر بھی تو روح نواز ادھر بھی تو

ایک نگاہ میں جلال ایک نگاہ میں جمال

منزِل طعر پر بھی تو مسندِ عرش پر بھی تو

عجز و نیازِ بندگی تیری نوازشوں میں ہے

حاکمِ ہر دعا بھی تو بارگہِ اثر بھی تو

پردہ شب میں ہے نہاں نورِ سحر سے ہے عیاں

آپ ہی پردہ دار بھی آپ ہی پردہ در بھی تو

تیرا عروج سرمدی تیرا بیان زندگی

رفعتِ لامکاں بھی تو عظمتِ بام و در بھی تو

تو ہی کائناتِ راز تو ہی ہے رازِ کائنات

تو ہی ہے محیطِ ہر نظر مرکزِ ہر نظر بھی تو

بندہ ترا نثار ہے ذات و صفات پر تری

قلبِ صبا تو ہی تو جانِ دل و جگر بھی تو

صبا اکبر آبادی