Astonished sculptures Prepared By Waste materials

ناکارہ اشیاء سے تیار کردہ مبہوت کن مجسمے

لندن …

 ناکارہ اشیاء کو دوباہ سے استعمال میں لانا اپنے اندر ایک آرٹ کی حیثیت رکھتا ہے اور اگر اسے کسی شاہکار مجسمے کی شکل میں ڈھال دیا جائے تو سونے پر سہاگہ ہوتا ہے۔برطانیہ سے تعلق رکھنے والی 58سالہ باربرا فرانس کا شمار بھی ایسے فن کاروں میں ہوتا ہے جو ناکارہ اشیاء سے جانوروں کے دیدہ زیب مجسمے بنا نے میں بے مثال مہارت رکھتی ہیں۔باربراترک ِاستعمال کئے گئے زیورات، پرانے ٹِن کین،اسٹیل کی ناکارہ تاروں اور دیگر لوہے اور پلاسٹک کے پرزئہ جات کو اس طرح ایک جگہ جمع کرتی ہیں کہ وہ ایک مبہوت کن فن پارے کی شکل میں ڈھل جاتے ہیں۔ چھوٹے چھوٹے پرزئہ جات کو یکجا کر کے بنائے گئے 4فٹ تک اونچے ان منفرد مجسموں کی خوبصورتی اور انفرادیت دیکھنے والوں کی توجہ اپنے جانب فوراً ہی کھینچ لیتی ہے اور 2ہزار پاؤنڈ سے زائد رقم میں بھی فروخت ہو چکے ہیں۔