اچھا ایکٹر بنتے بنتیاپنی شناخت کو ہی مٹا دیا ،امیتابھ بچن

ممبئی … بھارتی میگا اسٹار امیتابھ بچن کا کہنا ہے کہ ایک اچھا ایکٹر بنتے بنتے انہوں نے خود کی شناخت کو ہی مٹا دیا ہے۔ چار دہائیوں سے زائد عرصے سے بالی ووڈ سے منسلک اداکار امیتابھ بچن کا کہنا ہے کہ الگ الگ رولز نبھانا اور اِطمینان بخش طور پر نبھانا کسی ایکٹر کے لیے آسان نہیں ہوتا۔ ان کے مطابق ایک اچھی پرفارمنس کا اثر فلم بینوں پر یوں ہوتا ہے کہ وہ اس کردار ہی کو ایکٹر کی حقیقت ماننے لگتے ہیں۔ان کا کہنا ہے کہ ایک حد تک ایکٹرز بھی اسی مرحلے سے گزرتے ہیں اور جب ایک ایکٹر نے متعدد یادگار رولز نبھائے ہوں تو ایک حد تک وہ اپنی حقیقت ہی بھول جاتا ہے۔ ان کا کہنا ہے کہ ان کے ساتھ بھی کچھ ایسا ہی ہے اور وہ کبھی کبھی خود سے بھی یہ سوال کرتے ہیں کہ وہ ہیں کون۔