دور جدید میں موٹاپا زحمت بنتا جا رہا ہے۔ موٹاپے کی وجہ سے جسم کے خدوخال پرکشش نہیں رہتے اور آپکی شخصیت جاذب نظر بننے کی بجائے مذاق کا نشانہ بن جاتی ہے۔ یہی وجہ ہے کہ مرو زن کو وزن کم کرنے کی فکر دامن گیر ہوتی ہے۔ موٹاپے کو صرف ورزش سے کنٹرول نہیں کیا جا سکتا بلکہ آپکے کھانے بھی وزن کم کرنے مین اہم کردار ادا کرتے ہیں۔ اس سلسلے میں ڈاکٹرز ڈائیٹ پلان اس طرح مرتب کرتے ہیں۔
وزن کم کرنے کے لیے ڈائیٹ پلان:
- چاولوں کا استعمال کم کیجیئے۔
- خوراک میں سلاد کو اہم جزو بنانا چاہیئے۔
- تلی ہوئی چیزوں سے اجتناب برتا جائے۔
- مٹھائی آئس کریم کا چسکا بھی آپکو موٹا کر سکتا ہے۔
- ہائی بلڈ پریشر کی صورت میں اگر آپ 10 فیصد تک بلڈ پریشر کو کنٹرول کر لیتے ہیں تو آپ کئی بیماریوں پر قابو پا سکتے ہیں۔
- نمک کم سے کم استعمال کیجیئے۔
- کیک اور چپس بھی بہت کم استعمال کریں۔
- پھل،سبزیاں اور دالیں کھائیں۔
- آپکو چاہیئے کہ آپ ایک چارٹ بنائیں اور اس مین باقاعدگی سے اپنا وزن لکھیں اس کے علاوہ دن بھر جو کھاتے ہیں وہ بھی لکھتے جائیں۔
- کسی دوست کو خوراک کے زریعے آپ سے محبت ظاہر کرنے کی اجازت نہ دیں۔
- وزن کرنے کی مشین سرہانے کے پاس رکھیے تا کہ روز دیکھ سکیں۔
- اپنے وزن کے حدف کو آہستہ آہستہ تبدیل کریں۔
- مثلاً چالیس پونڈ گھٹانا ہو تو حدف دس پونڈ رکھیے اور آہستہ آہستہ اس میں اضافہ کرتے جائیے۔
- روزانہ 8 اونس کے 8 گلاس صبح پانی پیجیئے۔
- جب آپ پریشان ہوں تو کھانے کی بجائے ورزش یا گرم باتھ لیجیئے۔ گرم پانی سے نہانا آپکو کافی حد تک ریلیکس کر دیتا ہے۔
- کیلوریز کا ہر کھانے میں خیال رکھیے اور کھانے والی چیزوں میں چینی کی مقدار کم رکھیے۔
- مچھلی اور مرغی کا گوشت استعمال کیجیے۔
- وزن بڑھانے اور گھٹانے میں وقت درکار ہوتا ہے لہٰذا صبر و تحمل سے کام لیجیے۔
- جب ڈائیٹنگ کا ارادہ کریں تو کوشش کے لفظ کے استعمال کی بجائے 'میں ضرور کروں گی/میں ضرور کروں گا' پر عمل کیجیئے۔
- کھانے میں وقت کی پابندی کیجیئے۔ وقت پر کھانا کھائیے۔ ایسا نہ ہو کہ ناشتہ اور دن کا کھانا گول کر دیں اور رات کے کھانے میں کثر پوری کر دیں۔
- کیفین والے مشروبات سے پرہیز کیجیئے۔
- کھانا ہمیشہ آہستہ آہستہ کھائیں کم از کم بیس منٹ میں کھانا ختم کیجیئے۔
- نمکین کھانے زیادہ نہ کھائیے کیونکہ یہ زیادہ مقدار میں کھا لیے جاتے ہیں۔
- ایسے کھانوں سے پرہیز کریں جن کے ساتھ کیچپ وغیرہ کھانے پڑیں۔ کیانکہ مختلف قسم کے کھانوں میں نمک،چینی،مکھن،میدہ وغیرہ شامل کیا ہوتا ہے جس کی وجہ سے ان میں کیلوریز زیادہ پائی جاتی ہیں۔
- جب آپ کو بھوک لگی ہو تو ایسی جگہ مت جائیں جہاں کھانے پینے کی چیزیں فروخت ہو رہی ہوں۔
- زیادہ سے زیادہ چلیں۔ روزانہ 45 سے 60 منٹ تک تیزی سے چہل قدمی موٹاپے سے نجات کا باعث بن سکتا ہے۔
- ان تمام باتوں کے ساتھ ورزش نہ صرف آکے وزن کو کم کرے گی بلکہ آپکے بلڈ پریشر کو بھی کنٹرول میں رکھے گی۔
0 comments:
Post a Comment