ناسا نے سورج پر ہونے والے دھما کوں کی نئی فوٹیج جاری کردی

واشنگٹن…این جی ٹی…امریکی خلائی ادارے ناسا نے سورج کی نئی فوٹیج جاری کردی ہے جس میں شمسی دھماکوں کے مناظر کو بخوبی دیکھا جا سکتا ہے۔ اس ویڈیو میں نظر آتے مناظر میں واضح طور پر دیکھا جاسکتا ہے کہ سورج میں ہونے والے برقی مقناطیسی دھماکے کے نتیجے میں 5سو کلومیٹر فی سیکنڈ کی رفتار سے ایک بڑا اور رنگین شعلہ برآمد ہوا۔ سورج کی سطح سے تقریباً 8لاکھ کلومیٹردور خلا میں وسیع پیمانے پر پھیلنے والے اس شعلے کو دائرے کی شکل میں واضح طور پر اس فوٹیج میں دیکھا جا سکتا ہے۔ ان مناظر میں ہرے، پیلے اور نیلے رنگوں سے بنتی الٹراوائلٹ حرکات سورج کی سطح کو مبہوت کن لینڈ اسکیپ کی شکل میں نمایاں کرتی نظر آرہی ہیں۔