Jis Simt Bhi Dekhun Nazar Aata Hai k Tum Ho

 جس سمت بھی دیکھوں نظر آتا ہے کہ تم ہو

اے جان جہاں یہ کوئی تم سا ہے کہ تم ہو

یہ خواب ہے خوشبو ہے کہ جھونکا ہے کہ پل ہے

یہ دھند ہے کہ بادل ہے کہ سایہ ہے کہ تم ہو

اس دید کی ساعت میں کئی رنگ ہیں لرزاں

میں ہوں کہ کوئی اور ہے دنیا ہے کہ تم ہو

دیکھو یہ کسی اور کی آنکھیں ہیں کہ میری

دیکھو یہ کسی اور کا چہرہ ہے کہ تم ہو

یہ عمر گریزاں کہیں ٹھہرے تو یہ جانوں

ہر سانس میں مجھ کو لگتا ہے کہ تم ہو

ہر بزم میں موضوع سخن  دل زدگان کا

اب کون ہے شیریں ہے کہ لیلٰی ہے کہ تم ہو

اک درد کا پھیلا ہوا شرارہ ہے کہ میں ہوں

اک موج میں آیا ہوا دریا ہے کہ تم ہو

وہ وقت نہ آئے کہ دل زار بھی سوچے

اس شہر میں تنہا کوئی ہم سا ہے کہ تم ہو

آباد ہم آشفتہ سروں سے نہیں مقتل

یہ رسم بھی شہر میں زندہ ہے کہ تم ہو

اے جان فراز اتنی بھی توفیق کسے تھی

ہم کو غم ہستی بھی گوارا ہے کہ تم ہو

 

jis simt bhi dekhun nazar aata hai ke tum ho

ae jan-e-jahan ye koi tum sa hai ke tum ho

ye khwab hai khushbu hai ke jhonka hai ke pal hai

ye dhundh hai badal hai ke saya hai ke tum ho

is did ke saat mein kai rang hain larazan

main hun ke koi aur hai duniya hai ke tum ho

dekho ye kisi aur ke aankhen hain ke meri

dekhun ye kisi aur ka chehara hai ke tum ho

ye umr-e-gurezan kaheen thahare to ye janun

har sans mein mujh ko ye lagata hai ke tum ho

har bazm mein mauzu-e-sukhan dil zadgan ka

ab kon hai shirin hai ke laila hai ke tum ho

ik dard ka phaila hua sahara hai ke main hun

ik mauj mein aaya hua dariya hai ke tum ho

wo waqt na aaye ke dil-e-zar bhi soche

is shahar mein tanha koi hum sa hai ke tum ho

aabad hum aashufta saron se nahi maqtal

ye rasm abhi shahar mein zinda hai ke tum ho

ae jan-e-’faraz’ itni bhi taufiq kise thi

hum ko gam-e-hasti bhi gavara hai ke tum ho