ماہر آرٹسٹ نے دلکش رنگ کے دھاگوں سے دیدہ زیب ننھا کمرہ تیار کر لیا

کیپ ٹاوٴن…این جی ٹی…آرٹسٹ کو اپنی مہارت دکھانے کیلئے صرف کینوس یا آرٹ گیلری کی ضرورت نہیں ہوتی بلکہ وہ کہیں بھی اپنے فن کا مظاہرہ کر سکتا ہے ۔ایک ماہر جنوبی افریقی آرٹسٹ نے مقامی آرٹ میوزیم میں قوس و قزاح کے خوبصورت رنگ کے دھاگوں سے ایسا انوکھا کمرہ تیار کر لیا ہے جس کی دلکشی دیکھنے سے تعلق رکھتی ہے۔آرٹسٹ نے تقریباً 18ہزار میٹر دھاگے کی مدد سے پہلے تو کمرے کی چار دیواریں بنائیں اور پھر اس کے چھت پر ناصرف رنگین گیندیں نصب کردیں بلکہ فرنیچر سے بھی مزین کر دیا۔ قو س و قزاح کے رنگوں کا مبہوت کن منظر پیش کرتا آرٹ کا یہ شاہکار فن کی مہارت اور رنگوں سے محبت کا منہ بولتا ثبوت ہے جودیکھنے والوں کی توجہ کامرکز بھی بنا ہوا ہے ۔