In Se Mat Mil k Inhen Rog Hain Khawbon Wale

یہ جو سرگشتہ سے پھرتے ہیں کتابوں والے
ان سے مت مل کہ انہیں روگ ہیں خوابوں والے

اب ماہ و سال کی مہلت نہیں ملنے والی
آ چکے اب تو شب و روز عذابوں والے

اب تو سب دشنہ و خنجر کی زباں بولتے ہیں
اب کہاں لوگ محبت کے نصابوں والے

جو دلوں پر ہی کبھی نقب زنی کرتے تھے
اب گھروں تک چلے آئے وہ نقابوں والے

زندہ رہنے کی تمنا ہو تو ہو جاتے ہیں
فاختاؤں کے بھی کردار عقابوں والے

نہ مرے زخم کھلے ہیں نہ ترا رنگِ حنا
موسم آئے ہی نہیں اب کے گلابوں والے

یوں تو لگتا ہے کہ قسمت کا سکندر ہے فراز
مگر انداز ہیں سب خانہ خرابوں والے

.........................................................

Ye jo sargashta se phirte hein kitabo’n wale
Inn se mat mil k inhe rog hein khawbo’n wale

Ab mah o saal ki mohlat nahi milne wali
Aa chuke ab to shab o roz azaabo’n wale

Ab to sab dashna o khanjar ki zubaa’n bolte hein
Ab kahan log mohabbat k nisabo’n wale

Jo dilon par hi kabhi naqb zani karte thay
Ab gharon tak chale aaye wo naqabo’n wale

Zinda rehne ki tamanna ho to ho jate hein
Fakhtao’n k bhi kirdaar uqabo’n wale

Na mere zakhm khile hein na tera rang e hina
Ab k mausam he nahi aye gulabo’n wale

 Youn To Lagta hai k qismat ka sikander hai faraz

mager andaaz hain sb khana khraboN wale