Allah Hu Allah Hu Bandey Her Dam Allah Hu...

اللہ ھو اللہ ھو اللہ ھو اللہ ھو بندے ہر دم اللہ ھو

اللہ ھو اللہ ھو اللہ ھو اللہ ھو بندے ہر دم اللہ ھو
پیچھے پیچھے موت ہے تیری آگے آگے تو
اللہ ھو باقی من کلِ فانی

نہ کچھ تیرا نہ کچھ میرا او غافل انساں
سب کچھ جانے جان بوجھ کر بنے ہے کیوں انجان

دارا اور سکندر جیسے بڑےبڑے سلطان
لاکھوں من میٹھی میں مل گئے شہنشاہ عالی شان

تیری کیا اوقات ہے بندے کچھ بھی نہیں ہے تو
اللہ ھو اللہ ھو اللہ ھو اللہ ھو بندے ہر دم اللہ ھو

تیرا میرا جیون جیسے چلتے پھِرتے سائے
جوں جوں بڑھتی جائے عمر یا جیون گھٹتا جائے

موت کھڑی ہے سر پہ تیرے جانے کب آجائے
ایک سانس کا پنچھی ہے تو کون تجھے سمجھائے

رہ جائےگا پنجرہ خالی اُڑ جائے گی روح
اللہ ھو اللہ ھو اللہ ھو اللہ ھو بندے ہر دم اللہ ھو

تنہا قبر میں ہوگا تیرا کوئی نہ ہوگا میت
اللہ ہی اللہ بول سلامؔت جیون بازی جیت

ڈھلتا سورج روز سنائے تجھے فنا کے گیت
نیند سے آنکھیں کھول او غافل کیسی ہے یہ پریت

اللہ تیرا جاگ رہا ہے اور سوتا ہے تو
اللہ ھو اللہ ھو اللہ ھو اللہ ھو بندے ہر دم اللہ ھو