برف سے بنی کوکا کولا کی نئی بوتل

ٹھنڈی ٹھار کولڈ ڈرنکس کے شائقین کے لئے خوشخبری ہے کہ کوکاکولا نے ایسی نئی بوتلیں تیار کرلی ہیں جو کہ مکمل طور پر برف سے ہی بنی ہوئی ہے۔

لیکن دوسرے طرف بری خبر یہ ہے کہ یہ صرف لاطینی امریکی ملک کولمبیا میں ہی دستیاب ہے۔

کوکا کولاکمپنی کے بقول دیکھنے میں یہ برف والی بوتلیں شیشے سے بنی ہوئی لگتی ہیں مگر جب اس کو ہاتھ میں لیں ٹھنڈ ک پورے جسم میں سرایت کرجاتی ہے۔

کمپنی کا کہنا ہے کہ فی الحال یہ صرف کولمبیا میں ہی فروخت کے لئے رکھی گئی ہیں اور ہر گھنٹے میں ایسی 265 بوتلیں فروخت ہورہی ہیں۔

بنیادی طور پر یہ بوتلیں سیلیکیون مولڈ سے تیار کردہ برف سے بنی ہے اور جب آپ مشروب پی لیتے ہیں تو یہ بوتل بھی خود پگھل کر غائب ہوجاتی ہے۔